Иртән-иртүк уяндым да,
Куйдым әле самавыр.
Бергәләшеп чәй эчкәндә,
Әйтер теләкләрем бар.

Иң беренче һәммәгезгә,
Телим исәнлек-саулык.
Моннан дагын кадерлерәк,
Җир йөзендә юк байлык.

Йортларыбызга иминлек,
Өстәлләргә тәгамнар.
Кылып яшик бер-беребезгә,
Бары изге гамәлләр.

Динебезгә – күәт бирче,
Күңелгә иман нуры.
Тормышыбызның сукмагы,
Һәрвакыт булсын туры.

Толларга-толлык әҗерен,
Парсыз тапсын парларын.
Кавышканнар хөрмәт итеп,
Яшәсеннәр ярларын.

Балаларга бәхет-тәүфикъ,
Тынычлык илебезгә.
Якты кояш балкып торсын,
Һәрвакыт күгебездә.

Кайгы-хәсрәт җилләре,
Йортыбызны тапмасын.
Борчу-мәшәкать, сагышлар,
Ишекләрне какмасын.

Бала-чага кайгысыннан,
Теленмәсен йөрәкләр
Йә Раббым кабул булсачы,
Минем шушы теләкләр.
Әмин,Әмин,Әмин.

Если Вам понравилась данная статья - поделитесь с Вашими друзьями и товарищами в социальных сетях:

Читайте еще:

Стихи по татарски Балам диеп яши ата- ана Туган йортка кайттым Хэерле иртэ телэргэ Кызлар Алмагачы чәчәк ата майның унбишләрендә… Эшнен самый куп чагы